天气咁热，如果可以随时随地拎个椰青饮 椰青水 就爽晒啦！不过唔係时时都经过街市，去超市买又无人帮手开椰青，所以都市人都係拣饮一枝枝嘅包装 椰青水 ，有人甚至当佢地係运动饮品咁饮，到底係咪真係咁work？

营养师咁睇

包装椰青水同新鲜椰青水嘅营养价值会唔会差好远？有见及此，我哋请教注册营养师(澳洲)梁皓婷，问下一啲同 椰青水 有关嘅营养问题。

营养价值同新鲜 椰青水 相约

「每100毫升 椰青水 就含186毫克嘅钾，钾质有助保持身体电解质平衡及维持正常血压。而椰青水嘅脂肪含量好低(每100毫升含少于0.1克)，但仍然含有一定糖份，视乎包装椰青水有无添加糖份，否则其营养价值与新鲜椰青水相约。」

唔可以完全取代运动饮品

「运动排汗会增加电解质嘅流失，饮椰青水有助补充当中所流失嘅钾质。而且椰青水含有碳水化合物，可补充体内嘅肌糖同肝糖储备。但要留意， 椰子水 嘅其他矿物质含量(如钠、氯)较少，因此唔可以完全取代运动饮品。另外，如运动时间少于一个钟，一般饮水补充已足够。」

拣 椰青水 时要留意糖份

「要注意成份表係唔係百分百 椰子水 、有无加添糖份。有啲包装虽然声称「低糖」，但若果饮得多，所摄取嘅总糖份都唔可以睇少。例如: 营养标籤以每100毫升标示，而所含有糖分係5克，饮(500毫升)已摄取咗25克糖(即5茶匙)，差唔多佔一日40%#摄取量。」

*小贴士：每100毫升含少于5克糖才可称之为「低糖」

环保达人话：天然的最好

坊间传闻，话椰青水有天然疗效，咁劲？！我哋查询过流动生命创办人周兆祥博士，佢有以下睇法：「当然，喺功效上，饮用新鲜椰青水比包装椰青水较好，但都市人忙碌，饮用包装椰子水会较方便，总好过饮加工汽水，但要留意饮用嘅椰子水成份係咪纯天然，唔建议拣有经化学物质处理过嘅。」

舒缓便秘

「椰青水含有丰富酵素，帮助消化，解除便秘，佢亦係肚泻之后补充水份同营养嘅合适饮品，亦可利用作为断食疗法。」

有助解宿醉

「椰青水营养非常丰富，但无脂肪、亦无胆固醇，本身又有杀菌功能。佢嘅成份同人体血清几乎相同，解宿醉效果非常理想。」

包装 椰青水 大比拼

市面上嘅椰青水五花百门，市面上买到嘅椰青水，到底边支抵饮啲？边支好饮啲？依家话俾你听！

 

最抵饮

Meko 呢只纯椰青水，味道虽然甜咗啲，味道亦似竹蔗茅根水多啲，但胜在够平，只係$25.9，同埋热量係最低，只有79 kJ/100 mL，所以最抵饮！

最低糖

jax coco椰青水标榜无添加糖份或者人工防腐剂，比併产品中，佢嘅糖份最低，只有3g/100 mL ，不过味道都几酸下。

最似新鲜椰青水

呢只Koh Coconut曾经荣获2013 World Juice Award银奖，价钱係第二便宜，饮落最似新鲜椰青水，并非浪得虚名！

 

销售点：

a.惠康超级市场

b.百佳超级市场

c.一田超级市场

d.其星椰子油有限公司